22 مئی کو صدر شی جن پھنگ نے ویتنا م کے نئے صدر تو لام کو عہدہ سنبھالنے پر مبارکباد کا ایک پیغام بھیجا ہے۔
شی جن پھنگ نے کہا کہ چین اور ویتنام سوشلسٹ پڑوسی اور دوستانہ ممالک ہیں جو پہاڑوں اور دریاؤں سے جڑے ہوئے ہیں۔ انہوں نے کہا کہ گزشتہ سال انہوں نے ویتنام کا سرکاری دورہ کیا، اور جنرل سکریٹری روآن فوتھونگ کے ساتھ مل کر، دونوں جماعتوں کے درمیان تعلقات میں ایک نئے باب کا آغاز کرتے ہوئے، اسٹریٹجک اہمیت کے حامل چین-ویتنام ہم نصیب معاشرے کے قیام کا اعلان کیا۔ صدر شی نے خوشی کا ظہار کیا کہ دونوں ممالک کے مختلف محکمے اور علاقےچین-ویتنام ہم نصیب معاشرے کی تعمیر کے لیے مثبت پیش رفت کے ساتھ اپنی کوششیں تیز کر رہے ہیں ۔انہوں نے کہا کہ وہ چین اور ویتنام کے تعلقات کی ترقی کو بہت اہمیت دیتے ہیں اور کامریڈ چیئرمین کے ساتھ اسٹریٹجک روابط کو برقرار رکھنے، چین-ویتنام ہم نصیب معاشرے کی تعمیر کی قیادت کرنے اور دونوں جانب عوام کے فائدے کے لیے مل کر کام کرنے کو تیار ہیں ۔