یکم جون کو شائع ہونے والے چھیو شی رسالے کے گیارہویں شمارے میں سی پی سی کی مرکزی کمیٹی کے جنرل سیکریٹری، چین کے صدر اور مرکزی فوجی کمیشن کے چیئرمین شی جن پھنگ کا اہم مضمون شائع ہوگا،جس کا عنوان ہے "نئی معیاری پیداواری قوت کی ترقی اعلی معیار کی ترقی کو فروغ دینے کے لئے اندرونی تقاضہ اور اہم پہلو ہے"۔
مضمون میں نشاندہی کی گئی ہے کہ نئی معیاری پیداواری قوت کی ترقی اعلی معیار کی ترقی کو فروغ دینے کے لئے اندورنی تقاضہ اور اہم پہلو ہے. نئی معیاری پیداواری قوت کی نمایاں خصوصیت جدت طرازی ہے، جس میں ٹیکنالوجی اور کاروباری ماڈل کی سطح پر جدت طرازی کے ساتھ ساتھ انتظامات اور نظام کی سطح پر جدت طرازی بھی شامل ہے۔ نئی معیاری پیداواری قوت کی ترقی کو تیز کرنا ضروری ہے۔ سب سے پہلے، سائنسی اور تکنیکی جدت طرازی کو بھرپور طریقے سے فروغ دینا ضروری ہے. دوسرا، سائنسی اور تکنیکی جدت طرازی کے ساتھ صنعتی جدت طرازی کو فروغ دیناہوگا۔ تیسرا،ترقی کے طریقہ کار کی جدت طرازی پر زور دینا ہوگا اور چوتھا، ادارہ جاتی جدت طرازی کو مضبوطی سے فروغ دینے کی ضرورت ہے جبکہ پانچواں، ٹیلنٹ ورک میکانزم کی جدت طرازی کو گہرا کرنا ہوگا۔ ہمیں نئی معیاری پیداواری قوتوں کی ترقی کے تقاضوں کے مطابق، تعلیم، سائنس اور ٹیکنالوجی، اور باصلاحیت افراد کی فراہمی کو ہموار کرنا ہوگا اور باصلاحیت افراد کی تربیت، تعارف، استعمال اور منطقی گردش کے لئے ورک میکانزم کو بھی بہتر بنانا ہوگا.