14 جون کی سہ پہر  چین  کے وزیر اعظم لی چھیانگ نے آکلینڈ میں نیوزی لینڈ کی کاروباری برادری کے نمائندوں سے بات چیت کی۔ آکلینڈ چیمبر آف کامرس، نیوزی لینڈ چائنا بزنس کونسل اور ایئر نیوزی لینڈ سمیت تقریباً 20 نیوزی لینڈ  کی تجارتی تنظیموں اور  انٹرپرائزز کے سربراہان نے تقریب میں شرکت کی۔

اس موقع پر لی چھیانگ نے کہا کہ چین اعلیٰ معیار کی ترقی کے ساتھ چینی طرز کی جدیدیت  کو جامع طور پر فروغ دے رہا ہے اور معاشی ڈھانچے اور دیگر پہلوؤں کو اپ گریڈ کرنے سے عالمی ترقی کے نئے مواقع پیدا ہوں گے۔ ہم چینی  مارکیٹ تک رسائی کو مزید وسعت دیں گے، ایک فرسٹ کلاس کاروباری ماحول پیدا کریں گے، اور غیر ملکی کاروباری اداروں کو چین میں سرمایہ کاری اور کاروبار کرنے کے لئے مزید مدد اور سہولت فراہم کریں گے.

 اجلاس میں شریک نیوزی لینڈ کی تاجر برادری کے نمائندوں نے کہا کہ نیوزی لینڈ  اور چین کے درمیان قریبی اقتصادی اور تجارتی تبادلے اور نتیجہ خیز تعاون ہے۔ چین کی ترقی نے نیوزی لینڈ کے کاروباری اداروں کے لئے ایک وسیع مارکیٹ اور وسیع مواقع فراہم کیے ہیں۔ نیوزی لینڈ کی کاروباری برادری نیوزی لینڈ چین تعلقات کی ترقی کی حمایت کرتی ہے اور چینی عوام کو اعلیٰ معیار کی اشیاء اور خدمات فراہم کرنے کے لئے چین کے ساتھ تعاون کو گہرا کرنے کے لئے تیار ہے تاکہ باہمی فائدے اور جیت جیت  کے نتائج حاصل کیے جاسکیں۔