اقوام متحدہ میں چین کے نائب مستقل مندوب دائی بنگ نے 19 تاریخ کو  امور لیبیا کے بارے میں سلامتی کونسل کے کھلے اجلاس میں کہا کہ چین افریقی طریقے سے افریقی مسائل کو حل کرنے کی کوششوں کی حمایت کرتا ہے، یقین رکھتا ہے کہ لیبیا افریقی یونین (اے یو) کے مصالحتی تجربے سے فائدہ اٹھا سکتا ہے،  بین الاقوامی برادری کو  اس سلسلے میں ضروری مدد فراہم کرنی چاہیے۔

 دائی بنگ نے کہا: اقوام متحدہ لیبیا کے مسئلے میں ثالثی کے لئے ایک اہم چینل ہے۔ بین الاقوامی برادری اور لیبیا میں اقوام متحدہ کے امدادی مشن (یو این ایس ایم آئی ایل) کو "لیبیائی لوگوں کی زیر قیادت اور لیبیا کی ملکیت" کے سیاسی عمل کے لئے تعمیری حمایت فراہم کرنا جاری رکھنا چاہئے۔ چین بین الاقوامی برادری پر زور دیتا ہے کہ وہ لیبیا کی خودمختاری اور علاقائی سالمیت کا احترام کرے، لیبیا کے تمام فریقوں کے خدشات کو مکمل طور پر مدنظر رکھے اور بیرونی حل مسلط کرنے سے گریز کرے۔ چین متعلقہ یورپی ممالک سے مطالبہ کرتا ہے کہ وہ پناہ گزین تارکین وطن کے جینے کے حق اور انسانی حقوق کا سنجیدگی سے تحفظ کریں اور ساتھ ہی لیبیا میں پناہ گزین تارکین وطن کے انتظام اور معاشی ترقی کے لئے مدد فراہم کریں۔