20 جون کو ،چینی صدر شی جن پھنگ نے 2024 ورلڈ اسمارٹ انڈسٹری ایکسپو کے نام ایک تہنیتی پیغام بھیجا۔
شی جن پھنگ نے کہا کہ مصنوعی ذہانت سائنسی اور تکنیکی انقلاب اور صنعتی تبدیلی کے ایک نئے دور کے لئے ایک اہم محرک قوت ہے اور عالمی اقتصادی اور معاشرتی ترقی اور انسانی تہذیب کی ترقی پر دور رس اثرات مرتب کرے گی۔ چین مصنوعی ذہانت کی ترقی کو بہت اہمیت دیتا ہے، فعال طور پر انٹرنیٹ، بگ ڈیٹا، مصنوعی ذہانت اور حقیقی معیشت کے گہرے انضمام کو فروغ دیتا ہے، نئی معیاری پیداواری صلاحیت کی ترقی کو تیز کرتا ہے، اور اعلیٰ معیار کی ترقی کے لئے نئی رفتار فراہم کرتا ہے. چین مصنوعی ذہانت کی ترقی اور حکمرانی پر بین الاقوامی تعاون کو گہرا کرنے ، اور مصنوعی ذہانت کی صحت مند ترقی کو فروغ دینے ، عالمی اقتصادی ترقی کو فروغ دینے اور تمام ممالک میں لوگوں کی فلاح و بہبود کو بڑھانے کے لئے سخت محنت کرنے کے لئے تیار ہے۔
2024 ورلڈ اسمارٹ انڈسٹری ایکسپو کی میزبانی تھیانجن اور چھونگ چھنگ شہر کی حکومتوں نے مشترکہ طور پر کی ، اوریہ ایکسپو اسی دن تھیانجن میں شروع ہوئی ۔