اس سال پرامن بقائے باہمی کے پانچ اصولوں کی اشاعت کی 70 ویں سالگرہ ہے۔ 28 جون کو بیجنگ میں پرامن بقائے باہمی کے پانچ اصولوں کے نفاذ کی 70 ویں سالگرہ منانے کا اجلاس منعقد ہوگا  اور چینی صدر شی جن پھنگ یادگاری اجلاس سے اہم خطاب کریں گے۔

70 سال قبل چین نے پہلی بار "خودمختاری اور علاقائی سالمیت کا باہمی احترام، باہمی عدم جارحیت، ایک دوسرے کے اندرونی معاملات میں عدم مداخلت، مساوات اور باہمی فائدے اور پرامن بقائے باہمی" کے پانچ اصول پیش کیے تھے۔ گزشتہ 70 سالوں میں، پرامن بقائے باہمی کے پانچ اصولوں کو دنیا کے تمام ممالک نے وسیع پیمانے پر قبول اور تسلیم کیا ہے اور یہ بین الاقوامی تعلقات اور بین الاقوامی  قوانین کے بنیادی اصول بن گئے ہیں.

چین پرامن بقائے باہمی کے پانچ اصولوں کا فعال حامی اور پختہ عمل کرنے والا ملک ہے۔ پرامن بقائے باہمی کے پانچ اصولوں سے لے کر بنی نوع انسان کے  ہم نصیب معاشرے کی تعمیر تک، چین ہمیشہ عالمی امن کا معمار رہا ہے اور ہمیشہ رہے گا، عالمی ترقی میں شراکت دار اور بین الاقوامی نظم و نسق کا محافظ رہے گا۔