چائنا  میڈیا گروپ  کی میزبانی میں چین۔ایس سی او نیشنل میڈیا گول میز ڈائیلاگ 3 جولائی کو آستانہ میں منعقد ہوا۔ شنگھائی تعاون تنظیم کے رکن ممالک کے سرکاری حکام اور میڈیا کے سربراہان نے "میڈیا کی طاقت کو یکجا کرنا اور 'شنگھائی روح کو فروغ دینا'" کے موضوع پر گہرائی سے تبادلہ خیال کیا ۔ شرکاء  نے  میڈیا تعاون اور دیگر شعبوں میں چین اور ایس سی او ممالک کی کامیابیوں کی تعریف کی۔

 سی پی سی کی مرکزی کمیٹی کے  محکمہ تشہیر  کے نائب سربراہ اور چائنا  میڈیا گروپ  کے صدر شن  ہائی شیونگ  نے اپنی تقریر میں تین تجاویز پیش کیں: اول،میڈیا مواصلات کے طریقہ کار میں انوویشن لانا ۔  دوم ، میڈیا کی ذمہ داریاں نبھانا۔ تیسرا، میڈیا  تعاون کو  گہرا کرنا  اور مشترکہ طور پر چین۔ ایس سی او  رکن ممالک کے درمیان  تبادلے کو فروغ دینا۔ 

قازقستان کے ثقافت اور اطلاعات کے نائب وزیر اسکاکوف نے اپنی تقریر میں کہا کہ میڈیا  تعاون سماجی ترقی کو فروغ دینے اور عوام سے عوام کے روابط کو فروغ دینے میں اہم کردار ادا کرتا ہے۔

 اس تقریب میں، " چائنا میڈیا گروپ  اور شنگھائی تعاون تنظیم ممالک کے میڈیا کے درمیان عملی تعاون کو گہرا کرنے کا اقدام" جاری کیا گیا۔ مستقبل میں، تمام فریق مشترکہ طور پر 2025 میں ایس سی او سربراہی اجلاس کے موقع پر  سی ایم جی  کے ذریعے تیار کردہ نیو میڈیا پروگرام ہماری "شنگھائی روح" کا ایک سلسلہ جاری کریں گے۔