چین کی وزارت خارجہ کی ترجمان ماؤ ننگ نے 4 تاریخ کو صدر شی جن پھنگ کے قازقستان کے سرکاری دورے کے بارے میں بریفنگ دیتے ہوئے کہا کہ یہ  صدر شی کا قازقستان کا پانچواں دورہ ہے اور کمیونسٹ پارٹی آف چائنا کی 20 ویں قومی کانگریس کے بعد چین کے اعلی رہنما کا وسطی ایشیا کا پہلا دورہ ہے، جو بہت تاریخی اہمیت کا حامل ہے۔ صدر شی جن پنگ کا دورہ اطمینان بخش اور نتیجہ خیز  رہا اور دوطرفہ تعلقات کی ترقی کی تاریخ میں ایک نیا سنگ میل ہے۔ سب سے پہلے، دونوں ملکوں کا  سیاسی باہمی اعتماد ایک نئی بلندی پر پہنچ گیا ہے. دوسرا، عملی تعاون نے نئی رفتار میں اضافہ کیا ہے۔ فریقین نے بیلٹ اینڈ روڈ انیشی ایٹو اور "جسٹ قازقستان" کی اقتصادی پالیسی کے درمیان ہم آہنگی کو مضبوط بنانے اور ہمہ جہت باہمی فائدہ مند تعاون کو گہرا کرنے پر اتفاق کیا۔ تیسرا، افرادی تبادلوں میں نئی کامیابیاں حاصل ہوئی ہیں۔ فریقین نے کثیر الجہتی فریم ورک کے تحت مل کر کام کرنے، گلوبل ڈیولپمنٹ انیشی ایٹو، گلوبل سیکیورٹی انیشی ایٹو اور گلوبل سولائزیشن انیشی ایٹو کو فعال طور پر نافذ کرنے اور مشترکہ طور پر مساوی اور منظم کثیر قطبی دنیا اور جامع اقتصادی گلوبلائزیشن کی وکالت کرنے پر اتفاق کیا ہے۔ چین قازقستان کے ساتھ مل کر دونوں سربراہان مملکت کے درمیان طے پانے والے اہم اتفاق رائے کو عملی جامہ پہنانے، مختلف شعبوں میں تعاون کو فروغ دینے اور دوطرفہ تعلقات کے لیے مشترکہ طور پر ایک بہتر مستقبل تخلیق کرنے کے لیے کام کرے گا۔