شنگھائی تعاون تنظیم (ایس سی او) کے سیکرٹری جنرل ژانگ  منگ نے حال ہی میں چائنا میڈیا گروپ کے نامہ نگار کو انٹرویو دیتے ہوئے واضح کیا   کہ مزید ممالک شنگھائی تعاون تنظیم کی طرف کیوں راغب ہو رہے ہیں۔  تنظیم کی حالیہ توسیع ایک دانستہ ہدف نہیں ہے بلکہ اس کی بڑھتی ہوئی بین الاقوامی شناخت کی عکاسی کرتی ہے۔ "شنگھائی اسپرٹ" اور امن، سلامتی اور ترقی کے لئے شنگھائی تعاون تنظیم کے عزم کا حوالہ دیتے ہوئے ژانگ نے کہا کہ رکن ممالک کی بڑھتی ہوئی تعداد ان اصولوں کی وسیع پیمانے پر مقبولیت کی عکاسی کرتی ہے۔