مقامی وقت کے مطابق 5 جولائی کی سہ پہر  چینی صدر شی جن پھنگ نے دوشنبے کے صدارتی محل میں تاجکستان کے صدر امام علی رحمان کے ساتھ  بڑے پیمانے پر  ملاقات اور بات چیت  کی۔

شی جن پھنگ نے کہا  کہ  جب میں پانچ سال بعد دوبارہ آپ کےملک پہنچا تو میں نے ایک زیادہ خوشحال تاجکستان دیکھا۔ ایک دوستانہ پڑوسی اور جامع اسٹریٹجک پارٹنر کے طور پر ہمیں خلوص دل سے خوشی ہوئی۔ مجھے یقین ہے کہ آپ کی قیادت میں تاجکستان قومی ترقی کے اہداف کو حاصل کرنے میں کامیاب ہو گا۔

چینی صدر نے کہا کہ  چین-تاجکستان ہم نصیب معاشرے کی تعمیر، جس میں لازوال دوستی، باہمی فائدے اور جیت جیت کے نتائج ہیں، ایک سیاسی فیصلہ ہے جو ہم نے مشترکہ طور پر کیا ہے اور یہ دونوں ممالک اور ان کے لوگوں کے مشترکہ مفادات کے عین مطابق ہے. نئی صورتحال کے تحت، چین نئے دور میں تاجکستان کے ساتھ ایک جامع تزویراتی تعاون پر مبنی شراکت داری کو فروغ دینے اور ایک اعلی نقطہ آغاز سےچین-تاجکستان ہم نصیب معاشرے  کی تعمیر کے لیے تیار ہے۔ چین چین-تاجکستان  دوستانہ اور باہمی طور پر مفید تعاون کو فروغ دیتا رہے گا، تاجکستان کی قومی حالات کے مطابق ترقی کی راہ پر گامزن ہونے کی مضبوطی سے حمایت کرے گا، قومی آزادی، خودمختاری اور علاقائی سالمیت کے تحفظ کے لیے تاجکستان کی کوششوں کی مضبوطی سے حمایت کرے گا، اور کسی بھی بہانے سے تاجکستان کے اندرونی معاملات میں مداخلت کی بھرپور مخالفت کرتا رہے گا۔ بین الاقوامی حالات چاہے کیسے بھی بدلیں، چین ہمیشہ تاجکستان کا قابل اعتماد دوست، قابل اعتماد پارٹنر اور قریبی بھائی رہے گا۔