10 جولائی کو پائیدار ترقی پر اقوام متحدہ کے اعلیٰ سطحی سیاسی فورم کے دوران اقوام متحدہ میں چین کے مستقل مشن اور اقوام متحدہ کے متعدد اداروں  نے نیو یارک میں گلوبل انرجی نیٹ ورک کے موضوع پر ایک سائیڈ ایونٹ کا انعقاد کیا اور "گلوبل پاور ڈیولپمنٹ انڈیکس ریسرچ" رپورٹ جاری کی۔

 چینی نمائندے نے  اجلاس سے خطاب کرتے ہوئے کہا کہ 2030 کے ایجنڈے پر عمل درآمد میں موجودہ عالمی پیش رفت توقع سے بہت کم ہے ، اور تمام ممالک کو حقیقی کثیر الجہتی پر عمل کرنا چاہئے ، یکطرفہ  پسندی ، تحفظ پسندی اور سبز  معیشت میں رکاوٹوں کو ترک کرنا چاہئے ، اور عالمی توانائی  کی حکمرانی کے نظام کی ترقی کو زیادہ منصفانہ ، معقول ، متوازن اور جامع سمت میں فروغ دینا چاہئے۔چینی نمائندے نے کہا کہ  چین ماحولیاتی تہذیب کے تصور کو برقرار رکھتا ہے  اور  گلوبل انرجی انٹرکنکشن انیشی ایٹو کے نفاذ کو فروغ دے گا تاکہ  جتنا جلدی ممکن ہو سب کے لئے پائیدار توانائی کے وژن کو عملی جامہ پہنانے کو فروغ دیا جا سکے ، 

 اس سائیڈ ایونٹ میں اقوام متحدہ کے متعلقہ اداروں، بین الاقوامی تنظیموں اور اقوام متحدہ میں متعلقہ ممالک کے مستقل مشنز، تحقیقی اداروں،  جامعات  اور کاروباری اداروں کے 200 سے زائد نمائندوں نے شرکت کی۔