مقامی وقت کے مطابق 15 جولائی کی صبح ، کھڈگا پرساد شرما اولی نے نیپال کے نئے وزیر اعظم کے طور پر حلف اٹھایا۔نیپال کے وزیر اعظم کے طور پر یہ ان کی چوتھی مدت ہے۔ موجودہ ماہ کی 14 تاریخ کو نیپالی صدر رام چندر پوڈیل نے کمیونسٹ پارٹی آف نیپال  (یونیفائڈ مارکسسٹ لینسٹ )کے چیئرمین اولی کو نئی مخلوط حکومت کا وزیراعظم مقرر کیا۔ نیپال کے آئین کے مطابق، اولی کو اپنی تقرری کے 30 دنوں کے اندر نیپال کی پارلیمنٹ کے ایوان نمائندگان سے اعتماد کا ووٹ حاصل کرنا ہوگا۔

نیپال کی کمیونسٹ پارٹی (یونائیٹڈ مارکسسٹ-لیننسٹ) نے اس مہینے کی یکم تاریخ کو حزب اختلاف کی سب سے بڑی جماعت نیپالی کانگریس کے ساتھ ایک معاہدہ کیا اور ایک نئی مخلوط حکومت بنانے پر اتفاق کیا۔نیپال کی کمیونسٹ پارٹی (یونیفائڈ مارکسسٹ لینسٹ ) نے بعد میں 3 تاریخ کو اعلان کیا کہ وہ وزیر اعظم پراچندا کی زیر قیادت مخلوط حکومت سے دستبردار ہو جائے گی۔نیپال کے آئین کے مطابق،  پراچندا حکومت کو اقتدار میں رہنے کے لیے 30 دنوں کے اندر وفاقی پارلیمان کے ایوانِ نمائندگان کا اعتماد کا ووٹ دوبارہ حاصل کرنا تھا۔ 12 تاریخ کو پراچندا اعتماد کا ووٹ حاصل کرنے میں ناکام رہے اور اس طرح حکومت جاری رکھنے کی اہلیت سے محروم ہوگئے۔