ملکی حکمرانی کے حوالے سے کمیونسٹ پارٹی آف چائنا (سی پی سی) کی بنیادی قومی پالیسی برائے اصلاحات اور کھلے پن کا آغاز 1978 میں ڈنگ شیاؤ پھنگ کی صدارت میں سی پی سی کی گیارہویں سینٹرل کمیٹی کے تیسرے کل رکنی اجلاس میں ہوا اور 2013 میں شی جن پھنگ کی صدارت میں سی پی سی کی اٹھارہویں سینٹرل کمیٹی کے تیسرے کل رکنی اجلاس میں اس کو جامع طور پر گہرا کیا گیا۔ سی پی سی کی بیسویں مرکزی کمیٹی کے تیسرے کل رکنی اجلاس کے موقع پر ، ہم آپ کو نئے دور میں چین کی اصلاحاتی پالیسیوں کو سمجھنے میں مدد کریں گے ۔
بحیرہ جنوبی چین کے ساحل پر خوشگوار ہواؤں کے ساتھ لہروں میں ہزاروں کشتیاں چل رہی تھیں ۔
اپریل 2018 میں ، ہائیکو میں ایک خصوصی اقتصادی زون کے طور پر ہینان صوبے کے قیام کی 30 ویں سالگرہ کی تقریبات کا انعقاد کیا گیا تھا۔ چین کے سربراہ شی جن پھنگ نے بھرپور عزم سے اعلان کیا:
"پارٹی کی مرکزی کمیٹی نے ہینان کے پورے جزیرے میں پائلٹ فری ٹریڈ زون کی تعمیر کی حمایت کرنے، چینی خصوصیات کے حامل آزاد تجارتی بندرگاہ کی تعمیر اور اسے مستقل طور پر فروغ دینے کے لئے ہینان کی حمایت کرنے اور قدم بہ قدم اور مرحلہ وار آزاد تجارتی بندرگاہ کی پالیسی اور ادارہ جاتی نظام قائم کرنے کا فیصلہ کیا ہے۔
اپنے قیام کے تیس سال کے بعد ہینان "کھلے پن میں اصلاحات" کے لئے ایک نیا معیار بن گیا ہے۔
کھلا پن اور اصلاحات ہمیشہ ساتھ ساتھ چلتے رہے ہیں اور ایک دوسرے کو فروغ دیتے رہے ہیں۔ شی جن پھنگ نے اس بات کی نشاندہی کی کہ "کھلے پن کے ذریعے اصلاحات اور ترقی کو فروغ دینا چین کے لئے ترقی میں مسلسل نئی کامیابیاں حاصل کرنے کے لئے ایک اہم جادوئی آلہ ہے"۔ انہوں نے بارہا اس بات پر زور دیا کہ "کھلے پن سے ترقی ہوتی ہے، اور بندش لازماً پسماندگی لاتی ہے۔
جامعیت سے ہمہ جہت کشادگی تک
دنیا کی واحد تہذیب کے طور پر جو آج ایک ملک کے طور پر ترقی کر چکی ہے ، چینی تہذیب کا دنیا پر نمایاں اثر ہے۔مختلف تہذیبوں کی جامعیت اس کے تسلسل کی اہم وجوہات میں سے ایک ہے۔ شی جن پھنگ نے ایک موقع پر چینی تہذیب کے اس کھلے پن اور اشتراکیت کی تشکیل کے بارے میں تفصیل سے بتایا: "چینی تہذیب ایک کھلا نظام ہے جو دیگر تہذیبوں کے ساتھ مسلسل تبادلوں اور باہمی سیکھنے کے ذریعے تشکیل پاتا ہے۔ تاریخ میں بدھ مت کے مشرق کی طرف پھیلاؤ اور " اسلامی اور کنفیوشس ثقافتوں کے مابین انضمام" سے لے کر جدید دور میں "مغربی تعلیم کا مشرق کی طرف پھیلاؤ"، چین میں نئی ثقافت کی تحریک، مارکسزم اور سوشلسٹ فکر کے تعارف اور پھر اصلاحات اور کھلے پن کے بعد سے بیرونی دنیا کے لیے ہمہ جہت کھلنے تک، چینی تہذیب ہمیشہ جامع ، تازہ اور متحرک رہی ہے۔
"جامعیت " ایک قسم کی چینی دانش مندی ہے جو قدیم اور جدید دور سے گزرتی ہے۔ اس قدیم دانش مندی نے چینیوں کو کھلے ذہن کا حامل بنا دیا ہے۔ 1978 میں شروع ہونے والے "اوپننگ اپ" سے لے کر نئے دور میں چین کے ہمہ جہت کھلے پن تک، اس سب نے آزاد ، جامع اور کھلے ذہن کی عملی طاقت کو اجاگر کیا ہے۔
چینی کمیونسٹوں، جن کی نمائندگی ڈینگ شیاؤ پھنگ کر رہے تھے، نے کھلے ذہن کو "بیرونی دنیا کے لئے کھلے پن" کے نظریے میں تبدیل کر دیا اور اس کا چین کی بنیادی قومی پالیسی کے طور پر تعین کیا۔ 30 سال سے زائد عملی عرصے کے بعد، چین نے بیرونی دنیا کے لئے کھلے پن میں قابل ذکر کامیابیاں حاصل کی ہیں.
سنہ 2012 کے بعد سے شی جن پھنگ نے بھی ایک آزاد اور کھلے ذہن کو برقرار رکھا ہے اور "کھلی ترقی" کے جدید تصور کو آگے بڑھایا ہے۔ انہوں نے نشاندہی کی کہ "بیرونی دنیا کے لئے چین کا کھلا پن ہمہ جہت اور تمام شعبہ جات پر محیط ہے، اور یہ ضروری ہے کہ ہمہ جہت کھلے پن کے ایک نئے نمونے کی تشکیل کو فروغ دیا جائے۔" ان کی قیادت میں ہمہ جہت کھلے پن کا نیا نمونہ انتہائی اہمیت کا حامل ہے، جس میں کھلے پن کی علاقائی ترتیب کو بہتر بنانا، غیر ملکی تجارت کی ترتیب، اور سرمایہ کاری کی ترتیب کو بہتر بنانا، اوپننگ اپ کا ایک نیا نظام تشکیل دینا، اور اس میں کھلے پن کے طریقہ کار کی جدت طرازی ، ترتیب کو بہتر بنانا اور معیار کو اعلیٰ سطح پر لے جانا شامل ہے، تاکہ کھلے پن کی وسعت سے جدت طرازی کو آگے بڑھا یا جائے ، اصلاحات کو فروغ دیا جائے اور ترقی کو فروغ دیا جا سکے ۔
شی جن پھنگ کے "کھلی ترقی" کے تصور میں کھلی معیشت کے ایک نئے نظام کی تعمیر ایک حقیقی عمل ہے۔ شی جن پھنگ نے نظامی اور ادارہ جاتی رکاوٹوں کو توڑنے کے لئے بڑی کوششیں کی ہیں ۔ بیرونی دنیا کے لئے کھلے پن کی خاطر پائلٹ فری ٹریڈ زونز ، آزاد تجارتی بندرگاہوں کے قیام جیسے اقدامات میں تیزی لاتے ہوئے ادارہ جاتی جدت طرازی کو فروغ دینا جاری رکھا ہے۔ سنہ 2013 سے اب تک چھ کھیپوں میں 22 پائلٹ فری ٹریڈ زون قائم کیے جا چکے ہیں جو چین کے مشرقی، مغربی، شمالی، جنوبی اور وسطی علاقوں کا احاطہ کرتے ہوئے اور ساحلی، اندرونی اور سرحدی علاقوں کو مربوط کر تے ہوئے اصلاحات، کھلے پن اور جدت طرازی کا ایک نمونہ تشکیل دے رہے ہیں ۔
کھلی معیشت کے نئے نظام کی تعمیر کا ایک اہم حصہ قواعد و ضوابط، انتظام، معیارات اور دیگر اداروں کو کھولنا ہے. گزشتہ ایک دہائی کے دوران شی جن پھنگ کی قیادت میں چین نے غیر ملکی تجارت اور غیر ملکی سرمایہ کاری سے متعلق اپنے قوانین کو مسلسل بہتر بنایا ہے، قانون سازی کے ذریعے غیر ملکی سرمایہ کاری کے فروغ اور تحفظ کو مضبوط کیا ہے اور اعلیٰ سطحی کھلے پن کے لیے قانون کی حکمرانی کی بنیاد کو مسلسل مستحکم کیا ہے۔
چین کے نئے کھلے معاشی نظام کی مسلسل بہتری نے نہ صرف کھلے پن میں ادارہ سازی اور قانون کی حکمرانی کی سطح کو بہتر بنایا ہے ، بلکہ ایک اعلیٰ سطحی سوشلسٹ مارکیٹ اقتصادی نظام کی تعمیر کو بھی مؤثر طریقے سے فروغ دیا ہے ،یوں چین کی ترقی کے لئے مزید گنجائش کھل گئی ہے ، اور دنیا کے لئے ترقی کے نئے مواقع فراہم کیے گئے ہیں۔
"ایک پھول کھلنے " سے "سو پھول کھلتے ہیں" تک
شی جن پھنگ کے کھلے ذہن کی عکاسی ، چین کے کھلے پن کی قیادت کرنے کے علاوہ دنیا کے مختلف ممالک کے مشترکہ کھلے پن کو فروغ دینے کے عظیم نمونے سے بھی ہوتی ہے۔ انہوں نے کہا کہ چین کی ترقی دنیا سے لازم و ملزوم ہے اور دنیا کی خوشحالی کو بھی چین کی ضرورت ہے۔ انہوں نے واضح طور پر ایک تشبیہ دی: "ایک پھول بہار نہیں ہے، سو پھول بہار میں کھلتے ہیں۔ انہوں نے اس عزم کا اظہار کیا کہ چین "کھلے پن کی باہمی فائدہ مند اور جیت جیت حکمت عملی پر عمل کرے گا، جو نہ صرف دنیا سے ترقی کی رفتار حاصل کرے گا، بلکہ چین کی ترقی سے دنیا کے لئے بہتر ثمرات لائے گا۔ ”
شی جن پھنگ نے عملی اقدامات کے ساتھ اپنا وعدہ پورا کیا ہے:
نئے دور کے آغاز سے ہی چین نے عالمی اقتصادی حکمرانی میں فعال طور پر حصہ لیا ہے اور دنیا کے مشترکہ کھلے پن کے لئے ہم آہنگی کی تشکیل کو فروغ دیا ہےجس میں کثیر الجہتی تجارتی نظام کو مضبوطی سے برقرار رکھنا، تجارت اور سرمایہ کاری کی لبرلائزیشن اور سہولت کاری کو فروغ دینا، اور یکطرفہ اور تحفظ پسندی کی سختی سے مخالفت کرناشامل ہے ، اس کے علاوہ اقوام متحدہ، جی 20 اور برکس جیسے بین الاقوامی اور کثیر الجہتی میکانزم کے ساتھ ہم آہنگی اور تعاون کو مضبوط بنایا گیا ہے اور بین الاقوامی امور میں اقوام متحدہ کے مرکزی موقف اور کردار کی مضبوطی سے حفاظت کی گئی ہے ۔ چین نے علاقائی اور ذیلی علاقائی تعاون کو گہرا کرنے ، اے پی ای سی اور شنگھائی تعاون تنظیم جیسے علاقائی تعاون کے میکانزم میں تعمیری طور پر حصہ لینے ، اور لانچھنگ-میکانگ تعاون جیسے ذیلی علاقائی تعاون کی مسلسل گہرائی اور توسیع کو فروغ دینے کے لیے اپنی خدمات سرانجام دی ہیں ۔ ڈیجیٹل معیشت کے میدان میں بین الاقوامی تعاون کو مضبوط بنانے کی بھر پور کوشش کی ہے اور اس کے نتیجے میں عالمی مالیاتی گورننس کے نظام میں ترقی پذیر ممالک کی واضح کم نمائندگی کی صورتحال تبدیل ہو چکی ہے۔
نئے دور کے آغاز کے بعد سے ، شی جن پھنگ کی جانب سے پیش کردہ بیلٹ اینڈ روڈ انیشی ایٹو کی مشترکہ تعمیر کے اہم تعاون نے دنیا بھر کے ممالک کے ساتھ مفادات کی ہم آہنگی کو مسلسل وسعت دی ہے: 150 سے زیادہ ممالک اور 30 سے زیادہ بین الاقوامی تنظیموں نے بیلٹ اینڈ روڈ انیشی ایٹو کی مشترکہ تعمیر پر چین کے ساتھ تعاون کی دستاویزات پر دستخط کیے ہیں۔ اہم منصوبوں اور "چھوٹے لیکن سازگار " معاش کے منصوبوں نے شراکت دار ممالک کو غربت کے خاتمے اور لوگوں کے ذریعہ معاش اور فلاح و بہبود کو بہتر بنانے میں مدد کی ہے، تقریباً ایک ٹریلین امریکی ڈالر کی سرمایہ کاری کو راغب کیا ہے، 3000 سے زیادہ تعاون کے منصوبوں کی تشکیل کی ہے، شریک ممالک کے لئے 420000 روز گار کے مواقع پیدا کئے ہیں اور تقریباً 40 ملین افراد کو غربت سے باہر نکالا ہے۔ ہم بیلٹ اینڈ روڈ انیشی ایٹو کے لئے تجارت اور سرمایہ کاری کے پلیٹ فارم کی تعمیر جاری رکھیں گے ، اور سی آئی آئی ای ، کینٹن میلہ ، سی آئی ایف ٹی آئی ایس ، کنزیومر ایکسپو ، اور علاقائی نمائشوں کا ایک سلسلہ منعقد کریں گے تاکہ بیلٹ اینڈ روڈ کے شراکت دار ممالک کے مابین اقتصادی اور تجارتی تعاون کو فروغ دیا جاسکے۔ آس پاس کے علاقوں کی بنیاد پر فری ٹریڈ زون کی حکمت عملی پر عمل درآمد میں تیزی لائی گئی ہے ، اور "بیلٹ اینڈ روڈ" کے تحت اور دنیا کے سامنے اعلیٰ معیار کے فری ٹریڈ زون نیٹ ورک کی تشکیل ابتدائی طور پر وجود میں آئی ہے۔
شی جن پھنگ نے نشاندہی کی کہ "کھلا پن انسانی تہذیب کی ترقی کے لئے ایک اہم محرک قوت ہے اور دنیا کی خوشحالی اور ترقی کا واحد راستہ ہے۔" بعض مبصرین کا کہنا ہے کہ شی جن پھنگ کی قیادت میں عالمی تعاون اور جیت جیت کی نئی صورت حال نے چین کی جانب سے دنیا کے تمام ممالک کے مشترکہ کھلے پن کو فروغ دینے اور عالمی ترقی میں جان ڈالنے کی ایک تاریخی تبدیلی کا احساس کیا ہے ۔
اگلی قسط میں، ہم شی جن پھنگ کی قیادت میں نئے دور میں چین کی اصلاحات اور کھلے پن کی قدر کے رجحان کے بارے میں بات کریں گے.تو ہمارے ساتھ رہیے گا.