چھ روزہ آٹھویں چین-جنوبی ایشیا ایکسپو 23 جولائی کو  چین کے صوبہ یوننان کے شہر کھون منگ میں شروع ہوئی۔ اس سال کی ایکسپو میں 82 ممالک ، خطے اور بین الاقوامی تنظیمیں  حصہ لے رہی ہیں ، جس میں 2،000 سے زیادہ نمائش کنندگان ہیں ، جن میں سے تقریبا نصف غیر ملکی کاروباری ادارے ہیں ، جو جنوبی ایشیا اور جنوب مشرقی ایشیا کے تمام ممالک کا احاطہ کرتے ہیں۔

 "اتحاد، تعاون اور مشترکہ ترقی" کے موضوع پر، اس سال کی چائنا  ساؤتھ ایشیا   ایکسپو چین اور جنوبی ایشیائی ممالک کے درمیان اقتصادی اور تجارتی تعاون کے وسیع امکانات والی صنعتوں کی جامع نمائش کرے گی، جیسے گرین انرجی، جدید زراعت، طبی دیکھ بھال اور  ثقافتی سیاحت وغیرہ۔ جنوبی ایشیا کے پویلینز کی تعداد بڑھ کر دو ہو گئی ہے جن میں 800 سے زائد بوتھز ہیں اور تھیم کنٹری پاکستان کے لیے خصوصی تھیم کنٹری ایگزیبیشن ایریا قائم کیا گیا ہے۔

 چین اور جنوبی ایشیائی ممالک کے درمیان تجارتی تعاون کو گہرا کرنے اور وسعت دینے کے لحاظ سے ، یہ نمائش  پالیسی تبادلے ، اجناس کی تجارت اور سرمایہ کاری میں  تعاون جیسے "تین پلیٹ فارمز"  میں  کردار ادا کرتی  ہے ، گزشتہ نمائشوں میں کل  18،000 سے زیادہ ملکی   اداروں  نے شرکت کی  ،  مجموعی طور پر 100 بلین امریکی ڈالر سے زیادہ کا غیر ملکی تجارتی کاروبار اور 3،000 سے زیادہ منصوبوں پر دستخط  ہوئے ۔ وزارت تجارت کے فراہم کردہ اعداد و شمار کے مطابق 2023 میں چین اور جنوبی ایشیائی ممالک کے درمیان تجارتی حجم 200 ارب امریکی ڈالر کے قریب  رہا ، جو 2013  میں پہلی بار ہونے والی اس نمائش  کے مقابلے میں دوگنا زیادہ ہے ۔