کمیونسٹ پارٹی آف چائنا کی 20 ویں سینٹرل کمیٹی کے تیسرے کل رکنی اجلاس کے اختتام کے چند روز بعد ہی فیڈ ایکس، گولڈ مین ساکس، ایپل، بوئنگ، مائیکرون ٹیکنالوجی اور دیگر امریکی کمپنیوں کے ایگزیکٹوز پر مشتمل ایک وفد نے چین کا دورہ کیا۔ کچھ تجزیہ کاروں کے مطابق  اس سے ظاہر ہوتا ہے کہ وہ ہمہ جہت اصلاحات کو مزید گہرا کرنے کے لیے چین کے پالیسی انتظامات کو سمجھنے اور چینی ترقی کے مواقع سے فائدہ اٹھانے کے خواہاں ہیں۔

 سال کی پہلی ششماہی میں چین کی جی ڈی پی میں سال بہ سال 5.0 فیصد اضافہ ہوا اور معیشت کی بحالی کا سلسلہ جاری رہا۔ بین الاقوامی مالیاتی فنڈ (آئی ایم ایف) نے حال ہی میں رواں سال چین کی اقتصادی نمو کے بارے میں اپنی پیش گوئی میں اضافہ کرتے ہوئے یقین ظاہر کیا ہے کہ چین سمیت دیگر ابھرتی ہوئی ایشیائی معیشتیں اب بھی عالمی معاشی نمو کے اہم انجن ہیں۔ اس طرح کے مجموعی حالات نے امریکی کمپنیوں کے سربراہوں کے لیے چین کے ساتھ تعاون کرنے میں زیادہ اعتماد فراہم کیا ہے۔

سی پی سی کی 20 ویں مرکزی کمیٹی کے تیسرے  کل رکنی اجلاس میں یہ ذکر کیا گیا ہے کہ  چین کی انتہائی بڑے پیمانے کی مارکیٹ  پر انحصار کرتے ہوئے، ہم بین الاقوامی تعاون کو بڑھانے میں اپنی صلاحیت میں اضافہ کریں گے. سپر بڑی مارکیٹ چین کے لئے شاندار برتری ہے. اس کے ساتھ ہی اس اجلاس نے یہ بھی واضح کیا کہ چین بین الاقوامی اعلیٰ معیار کے معاشی اور تجارتی قوانین سے ہم آہنگ ہونے میں پہل کرے گا۔توقع کی جا سکتی ہے کہ  اس سے ایک مزید شفاف، مستحکم اور قابل متوقع ادارہ جاتی ماحول پیدا ہوگا۔ "مارکیٹ" اور "تعاون" کے دو کلیدی الفاظ سے، ہم چین کی کھلے پن کی صلاحیت کو بہتر بنانے کی بنیاد اور طریقے دیکھ سکتے ہیں، جو غیر ملکی سرمایہ کاری کو راغب کرنے میں بھی  اہم  ہیں.

 چین کی ترقی میں اعلی درجے کا یقین، ہم آہنگی اور تسلسل ہے، جو دنیا کے لئے مستحکم توقعات فراہم کرتا ہے.مستقبل میں اس اجلاس کی دستاویزات میں تجویز کردہ 300 سے زیادہ اہم اصلاحاتی اقدامات کے مسلسل نفاذ کے ساتھ ، چینی مارکیٹ کی توانائی کو متحرک کیا جاتا رہے گا اور دنیا بھر کے کاروباری اداروں کے لئے وسیع تر قیاتی مواقع میسر ہوتے رہیں گے۔