مقامی وقت کے مطابق 27 جولائی کو سی پی سی کی مرکزی کمیٹی کے پولیٹیکل بیورو کے رکن اور وزیر خارجہ وانگ ای نے وینٹیانے میں آسیان، چین، جاپان اور جنوبی کوریا (10+3) وزرائے خارجہ کے اجلاس میں شرکت کی۔

وانگ ای نے کہا کہ گزشتہ سال 10+3 تعاون منصوبہ بندی کو مسلسل فروغ دیا گیا ہے ، علاقائی اقتصادی انضمام میں پیش رفت جاری ہے، مالی اور غذائی تحفظ کا تعاون گہرا ہوتا جا رہا ہے، اور ابھرتے ہوئے شعبوں میں تعاون میں توسیع جاری ہے، جس سے مضبوط داخلی رفتار ظاہر ہوتی ہے۔ اس وقت دنیا کی اقتصادی ترقی سست روی کا شکار ہے، جغرافیائی سیاسی صورتحال پیچیدہ اور ابھر رہی ہے، مستحکم ترقی کا مطالبہ مضبوط ہوا ہے اور خطرات اور چیلنجز سے نمٹنے کی فوری ضرورت کہیں زیادہ ہے۔ چین علاقائی ڈھانچے میں آسیان کی مرکزیت کی حمایت جاری رکھنے اور 10+3 میکانزم کے کردار کو مکمل طور پر ادا کرنے کے لئے تمام فریقوں کے ساتھ کام کرنے کے لئے تیار ہے۔انہوں نے اس حوالے سے چار نکاتی تجاویز بھی پیش کیں۔

اول ، اقتصادی انضمام اور علاقائی رابطوں کو فروغ دیا جائے ۔ دوسرا،  تمام فریقوں کو بحران سے نمٹنے کی اپنی صلاحیتوں کو مضبوط بنانے اور علاقائی استحکام کو برقرار رکھنے کی ضرورت ہے۔ تیسرا ، ابھرتے ہوئے شعبوں میں تعاون کو وسعت دی جائے اور علاقائی ترقی کی قیادت کی جائے ۔ چوتھا، سماجی اور عوامی سطح پر تبادلوں کو فروغ دیا جائے اور علاقائی اتفاق رائے پیدا کیا جائے۔