سوڈان میں مسلح تنازعہ نے سوڈانی زرعی پیداوار کو بری طرح  متاثر کیا  ہے اور اناج کی پیداوار میں نمایاں کمی واقع ہوئی ہے۔ اقوام متحدہ کی فوڈ اینڈ ایگریکلچر آرگنائزیشن (ایف اے او) نے حال ہی میں کہا کہ سوڈان غیر معمولی غذائی تحفظ کے بحران کا شکار ہے اور اسے ملکی   تاریخ کے بدترین قحط کا سامنا ہے۔

سوڈان میں زراعت سب سے اہم صنعتوں میں سے ایک ہے۔ ملک کی تقریبا 65 فیصد آبادی زرعی پیداوار سے منسلک ہے. تاہم، گزشتہ  ایک سال سے زیادہ  کے فسادات  نے سوڈان کے بنیادی   زرعی ڈھانچے کو شدید نقصان پہنچایا ہے اور  خوراک کی تجارت اور زرعی سپلائی چین میں شدید رکاوٹیں پیدا ہوئی ہیں ۔سوڈان میں  زرعی مشینری، کھادوں اور  بیجوں وغیرہ کی قیمتوں میں نمایاں  اضافہ  ہوا ہے  جس کے نتیجے میں  زرعی پیداوار میں نمایاں کمی واقع ہوئی ہے.

غذائی تحفظ کے بحران کے علاوہ مسلح تصادم کی وجہ سے 13 ملین افراد بے گھر ہوئے ہیں، بڑی تعداد میں زرعی مزدور اپنے گھروں سے نقل مکانی کر چکے ہیں  اور زرعی زمین کی کاشت کی شرح میں نمایاں کمی آئی ہے۔خدشہ ہے کہ  2024 میں سوڈان میں قابل کاشت زمین کا رقبہ مزید کم ہو جائے گا کیوں کہ فسادات  وسطی اور جنوب مشرقی سوڈان کے اناج پیدا کرنے والے  اہم  علاقوں تک پھیل  رہے ہیں ۔