18 تاریخ کو ، چین کے وزیر اعظم لی چھیانگ نے بیجنگ میں چین کے سرکاری دورے پر موجود فجی کے وزیر اعظم  سٹیوینی رابوکا  سے بات چیت کی۔

لی چھیانگ نے کہا کہ فجی چین کے ساتھ سفارتی تعلقات قائم کرنے والا بحرالکاہل کا پہلا جزیرہ ملک ہے اور چین نے ہمیشہ فجی کو جنوبی بحرالکاہل کے خطے میں سب سے اہم شراکت داروں میں سے ایک سمجھا ہے۔ چین نے آزادانہ طور پر منتخب کردہ ترقی کے راستے پر چلنے میں فجی کے عوام کی ہمیشہ بھرپور حمایت کی ہے اور اگلے سال دونوں ممالک کے درمیان سفارتی تعلقات کے قیام کی 50 ویں سالگرہ کی مناسبت سے  باہمی اعتماد اور حمایت پر مبنی حقیقی دوستی پر قائم رہنے، اعلیٰ سطحی اور بین السطحی تبادلوں کو مضبوط بنانے اور چین فجی جامع اسٹریٹجک شراکت داری کو فروغ دینے کے لیے  فجی کے ساتھ مشترکہ کوششوں کا خواہاں ہے۔

 لی چھیانگ نے مزید کہا کہ چین دونوں ممالک کے درمیان عملی تعاون کو ایک نئی سطح پر فروغ دینے کے لئے فجی کے ساتھ کام کرنے کا خواہاں ہے۔ فریقین کو بیلٹ اینڈ روڈ تعاون فریم ورک کے تحت بنیادی ڈھانچے ، زراعت اور ماہی گیری ، ہلکی صنعت ، تعلیم ، سیاحت اور غربت کے خاتمے میں تعاون کو گہرا کرنا چاہئے تاکہ مشترکہ ترقی کو بہتر طور پر فروغ دیا جاسکے۔

مذاکرات کے بعد دونوں ممالک کے وزرائے اعظم کی موجودگی میں تجارت اور بنیادی ڈھانچے کی تعمیر سے متعلق متعدد دوطرفہ تعاون کی دستاویزات پر دستخط کیے گئے۔