شمالی کوریا کی وزارت خارجہ کے ترجمان نے 24 تاریخ کو کہا کہ شمالی کوریا امریکہ کی جانب سے کسی بھی قسم کے جوہری خطرے کا بھرپور جواب دے گا۔

ترجمان کا کہنا ہے کہ امریکہ دوسرے ممالک کی جانب سے "ایٹمی خطرات" پیدا کرتا رہا ہے اوریکطرفہ جوہری برتری کو یقینی بنانے کا خواہاں ہے۔شمالی کوریا کی جانب سے اس پر شدید تشویش اور مذمت کا اظہار کیا گیا ہے۔ امریکہ جس کے پاس دنیا کا سب سے بڑا  جوہری ہتھیاروں کا ذخیرہ ہے، اس کے منفی رویے کی وجہ سے عالمی جوہری توازن، سلامتی کے ماحول اور جوہری تخفیف اسلحہ کے نظام پر سنگین منفی اثرات مرتب ہو رہے ہیں۔ امریکہ نے جنوبی کوریا اور جاپان سمیت ایشیا پیسفک خطے کے دیگر متعلقہ ممالک  کے ساتھ اپنے اتحاد کو جوہری فوجی اتحاد میں تبدیل کر دیا ہے۔ حقائق نے ثابت کیا ہے کہ امریکہ سب سے زیادہ غیر ذمہ دارانہ  کردار ادا کر رہا ہے، جس سے جوہری ہتھیاروں کی دوڑ  اور عالمی جوہری تصادم کے امکانات کو  تقویت مل رہی ہے۔" شمالی کوریا اپنی اسٹریٹجک قوتوں کو مضبوط کرے گا اور ان تمام حفاظتی چیلنجوں کو کنٹرول کرنے اور ان کو ختم کرنے کی کوشش کرے گا جو امریکہ کی جانب سے اپنی جوہری پوزیشن میں خطرناک ایڈجسٹمنٹ سے پیدا ہو سکتے ہیں،  اور کسی بھی قسم کے جوہری خطرے کا بھرپور جواب دے گا۔