مقامی وقت کے مطابق 25 تاریخ کو لبنانی حزب اللہ نے  ایک بیان جاری کرتے ہوئے اعلان کیا کہ اس نے اسرائیل پر  بڑی تعداد میں ڈرون اور راکٹ حملے کیے ہیں۔ یہ گزشتہ ماہ لبنان کے دارالحکومت بیروت کے جنوبی مضافات میں اسرائیل کے فضائی حملے کی جوابی کارروائی تھی، جس میں اس کے فوجی رہنما شکور مارے گئے تھے۔ لبنانی حزب اللہ نے کہا کہ تنظیم اس وقت سب سے زیادہ چوکس ہے اور آگے بھی ثابت قدم رہے گی۔ اگر اسرائیل کے کسی بھی حملے سے شہریوں کو نقصان پہنچا  تو حزب اللہ اس کا سخت جواب دے گی۔

اسی دن  اسرائیلی فوج نے اعلان کیا کہ اس نے حزب اللہ کی جانب سے "بڑے پیمانے پر" حملے کی تیاری کا پتہ لگانے کے بعد  حزب اللہ کے اہداف پر "قبل از وقت" حملہ شروع کر دیا ہے۔ اس کے فوراً بعد شمالی اسرائیل میں شدید فضائی دفاعی سائرن بجائے گئے اور اسرائیلی وزیر دفاع گیلانٹے نے اعلان کیا کہ ملک اگلے 48 گھنٹوں کے اندر ہنگامی حالت میں داخل ہو جائے گا۔