چین انسداد دہشت گردی آپریشنز کو آگے بڑھانے میں پاکستان کی بھرپور حمایت جاری رکھے گا، چینی وزارت خارجہ
27 اگست کو چینی وزارت خارجہ کے ترجمان لین جیئن نے یومیہ پریس کانفرنس کے دوران 26 اگست کو پاکستان کے صوبہ بلوچستان میں ہونے والے متعدد دہشت گردانہ حملوں پر تبصرہ کرتے ہوئے کہا کہ چین ان حملوں کی شدید مذمت کرتا ہے اور متاثرین کے لیے گہرے دکھ کا اظہار کرتا ہے۔ چین ہر قسم کی دہشت گردی کی سختی سے مخالفت کرتا ہے اور انسداد دہشت گردی کی کارروائیوں کو فروغ دینے، سماجی اتحاد اور استحکام کو برقرار رکھنے اور عوام کے تحفظ کے لیے پاکستان کی بھرپور حمایت جاری رکھے گا۔ چین پاکستان کے ساتھ انسداد دہشت گردی اور سیکیورٹی تعاون کو مزید مضبوط بنانے اور مشترکہ طور پر علاقائی امن و سلامتی کے تحفظ کا خواہاں ہے۔
