چائنا انٹرنیٹ نیٹ ورک انفارمیشن سینٹر  نے 29  تاریخ کو چین کے انٹرنیٹ نیٹ ورک کی ترقی پر54 ویں شماریاتی رپورٹ جاری کی۔ رپورٹ کے مطابق جون 2024 تک چین میں تقریبا 1.1 ارب انٹرنیٹ صارفین موجود  ہیں اور انٹرنیٹ تک رسائی کی شرح 78.0 فیصد تک پہنچ چکی ہے۔ سال کی پہلی ششماہی میں ، چین کی انٹرنیٹ صنعت نے ترقی کی اچھی رفتار برقرار رکھی۔

رپورٹ کے مطابق سال کی پہلی ششماہی میں انٹرنیٹ کے بنیادی وسائل جیسے ڈومین نام اور آئی پی ایڈریس کو مسلسل فروغ دیا  گیا جس سے انٹرنیٹ انڈسٹری کے آپریشن اور بھرپور ترقی کے لیے ٹھوس مدد فراہم کی گئی۔ مفاد عامہ میں ڈیجیٹل خدمات کو وسیع پیمانے پر انجام دیا گیا ہے ، جس نے انٹرنیٹ صارفین کے پیمانے کی ترقی کو مؤثر طریقے سے فروغ دیا ہے۔ سال کی پہلی ششماہی میں، ٹریڈ ان کھپت اور آن لائن سروس کھپت ، کھپت کی نمایاں خوبیاں بن گئی ہیں۔ سال کی پہلی ششماہی میں ادائیگی کی سہولت کے لئے متعدد اقدامات کے تفصیلی نفاذ کے ساتھ ، موبائل ادائیگی کی سہولت میں بہتری آتی رہی۔ اس کے علاوہ  اعلیٰ معیار کے مواد کی بڑھتی ہوئی مانگ اور صنعت کے ماحول کی مسلسل اصلاح کے ساتھ، آن لائن ویڈیو انڈسٹری ایک بھرپور ترقی کی رفتار دکھا رہی ہے.