امریکہ کے فیڈرل ریزرو بورڈ نے 18 تاریخ کو اعلان کیا کہ وہ وفاقی فنڈز کی شرح کے لئے ہدف کی حد کو 50 بیسس پوائنٹس کم کرکے 4.75 فیصد اور 5.00 فیصد کی درمیانی سطح پر لے جائے گا۔ چار سالوں میں یہ پہلا موقع ہے کہ فیڈرل ریزرو نے شرح سود میں کمی کی ہے۔

امریکی لیبر ڈیپارٹمنٹ کی جانب سے 11 تاریخ کو جاری کردہ اعداد و شمار کے مطابق اگست میں امریکی کنزیومر پرائس انڈیکس (سی پی آئی) میں سال بہ سال 2.5 فیصد اضافہ ہوا، جس میں جولائی کے مقابلے میں 0.4 فیصد کمی ہے۔ افراط زر کی شرح میں کمی کے اشارے مل رہے ہیں۔ اس کے ساتھ ہی امریکہ کی لیبر مارکیٹ مسلسل کمزور ہوتی جا رہی ہے۔ امریکہ میں جولائی میں ملازمت سے نکالے جانے والے افراد کی تعداد بڑھ کر 17 لاکھ 60 ہزار تک پہنچ گئی جو مارچ 2023 کے بعد سے بلند ترین سطح ہے۔

گزشتہ ایک سال کے دوران ، فیڈرل ریزرونے وفاقی فنڈز کی شرح کے لئے اپنے ہدف کی حد کو 5.25 فیصد اور 5.5 فیصد کے درمیان برقرار رکھا  ، جو 23 سالوں میں بلند ترین سطح ہے۔