حال ہی میں، چین میں معیشت اور مارکیٹ کو فروغ دینے کے لئے سازگار پالیسیوں کا ایک سلسلہ نافذ کیا گیا ہے، جس سے مستقبل کے لئے سرمایہ کاروں کی پرامید توقعات کو مزید تقویت ملی ہے، اور بین الاقوامی اداروں نے بھی چینی اثاثوں کے انتظامات میں اضافہ کرنا شروع کر دیا ہے. 2 تاریخ کو ، رئیل اسٹیٹ اسٹاک ہانگ کانگ کی اسٹاک مارکیٹ میں اضافے کے لئے اہم محرک قوت بن گئے ، اور بہت سی چائنیز مین لینڈ رئیل اسٹیٹ کمپنیوں کے حصص کی قیمتوں میں"ڈبل ڈیجٹ" میں  اضافہ ہوا۔ تجزیہ کاروں کا خیال ہے کہ چائنیز مین لینڈ کی فعال پالیسی مارکیٹ کی توقعات کو بہتر بنانے کی بنیادی وجہ ہے۔ 

متعدد غیر ملکی ادارے بھی چین کی سیکورٹیز میں اضافے کے امکانات کے بارے میں پرامید ہیں۔ جاپان کی سب سے بڑی بروکریج نومورا سیکیورٹیز نے حال ہی میں ایم ایس سی آئی چائنا انڈیکس کے لئے سال کے آخر کی پیش گوئی میں 10 فیصد اضافہ کیا ہے۔ ہانگ کانگ میں واقع ایک آزاد اثاثہ مینیجر ویلیو پارٹنرز کا ماننا ہے کہ عالمی میوچل فنڈز  کا چینی سیکیورٹیز  میں تناسب بہت کم  ہے، جو اس سال اگست میں صرف 5.2 فیصد تھا اور یہ  جولائی 2021 میں 15 فیصد کی بلند ترین سطح سے کہیں کم ہے۔ جیسا کہ چین کی پورٹ فولیو انویسٹمنٹ کی کشش بحال ہو رہی ہے ، بین الاقوامی سرمایہ کاری کے اداروں کی جانب سے چینی اثاثوں میں اپنی سرمایہ کاری میں اضافہ  متوقع ہوگا۔