12 اکتوبر کو ، آل چائنا فیڈریشن آف انڈسٹری اینڈ کامرس نے     " 2024  میں چین میں سرفہرست  500 نجی کاروباری اداروں" کی فہرست اور تحقیقی  رپورٹ جاری کی۔

رپورٹ  کے مطابق    سر فہرست  500 نجی اداروں میں کاروباری پیمانے میں مستحکم ترقی ، مجموعی کارکردگی میں بہتری ، صنعتی ڈھانچے کی مسلسل بہتری ، جدت طرازی کی صلاحیت میں مسلسل اضافہ اور سماجی ذمہ داریوں کی فعال تکمیل کا اچھا رجحان ظاہر  ہوا  ہے۔

 2023 ء میں سر فہرست  500 نجی اداروں کی کل آپریٹنگ آمدنی 41.91 ٹریلین یوآن رہی جو گزشتہ سال کے مقابلے میں 5.22 فیصد زیادہ ہے۔ ان سر فہرست   500 نجی اداروں نے عالمی مارکیٹ میں فعال طور پر حصہ لیا ہے ۔ 2023 میں  برآمدات کی کل مالیت 297.175 بلین امریکی ڈالر رہی، جو گزشتہ سال کے مقابلے میں 7.53 فیصد زیادہ  ہے ۔ تکنیکی جدت طرازی کے پہلو  میں سر فہرست 500 نجی اداروں میں ، انٹرپرائزز کے کل آر اینڈ ڈی اخراجات 1.05 ٹریلین یوآن رہے ، آر اینڈ ڈی اہلکاروں کی کل تعداد 1.0238 ملین  رہی   اور اوسط آر اینڈ ڈی سرمایہ کاری کی شدت 2.66  فیصد  رہی ۔ اس کے علاوہ  سر فہرست  500 نجی کاروباری اداروں کی کل ٹیکس ادائیگی 1.29 ٹریلین یوآن تک پہنچی  جو گزشتہ سال کے مقابلے میں 3.11 فیصد زیادہ ہے۔