گیارہ نومبر کو چین میں شاپنگ ڈے کے طور پر منایا جاتا ہے اور ملک بھر میں خرید و فروخت کی سرگرمیاں عروج پر ہوتی ہیں۔2009 میں پہلے "ڈبل 11" یعنی  "گیارہ   نومبر "  کے شاپنگ ڈے  کے بعد سے گزشتہ 16 سال کے دوران ، "  ڈبل11 " شاپنگ فیسٹیول کی مارکیٹنگ کا حجم سال بہ سال بڑھ رہا ہے ، اور آن لائن شاپنگ چینی صارفین کی روزمرہ کی زندگی میں ایک اہم عنصر بن چکی ہے ، اور لوگ اپنی شاپنگ کارٹس میں نہ صرف سامان بلکہ بہتر زندگی کی خواہشات بھی رکھتے ہیں۔

پچھلے سالوں کے مقابلے میں ، اس سال کے "ڈبل 11" میں تین اہم خصوصیات ہیں۔ سب سے پہلے یہ اس سال چینی حکومت کی طرف سے بڑے پیمانے پر لاگو ہونے والی ٹریڈ ان پالیسی کے زیر اثر پہلا " ڈبل11" ہے، اور مختلف علاقوں اور محکموں نے صارفین کو حقیقی کرنسی کے فوائد سے لطف اندوز کرنے کے لئے متعلقہ سبسڈی پالیسیاں متعارف کروائی ہیں. دوسرا، ای کامرس پلیٹ فارمز کو ریگولیٹ کرنے  کے اثرات سامنے آئے ہیں، اور مختلف پلیٹ فارمز کے مابین مناسب مسابقت اور تعاون کو مضبوط کیا گیا ہے، تاکہ صارفین اعتماد اور اطمینان کے ساتھ خریداری کرسکیں. تیسرا، مصنوعی ذہانت، بگ ڈیٹا اور انٹرنیٹ آف تھنگز سمیت اعلی اور نئی ٹیکنالوجیز کے اطلاق نے ای کامرس پلیٹ فارم کی آپریشنل کارکردگی اور صارفین کے خریداری کے تجربے کو بہت بہتر بنایا ہے۔

اس کے علاوہ اس سال کے "ڈبل11" میں ایک اور  اہم خصوصیت ہے، فری شپنگ کی ہوا بیرون ملک تک پہنچ گئی ہے، بہت سے ممالک اور خطوں کو چین کے ای کامرس "فری شپنگ ایریا" میں شامل کیا گیا ہے، چینی مصنوعات عالمی صارفین کے ہاتھوں تک پہنچ رہی ہیں اور "ڈبل 11" سے شروع ہونے والی اس سرحد پار ای کامرس نے غیر ملکی منڈیوں کے دروازے کھول دیئے ہیں۔

اس سال کے "ڈبل 11" پر ، سنگاپور ، ملائیشیا ، تھائی لینڈ ، جاپان ، جنوبی کوریا ، ویتنام ، کمبوڈیا اور دیگر ممالک کے خریداروں نے آن لائن خریداری کے جوش و خروش کا تجربہ کیا، کیونکہ یہ ممالک حال ہی میں  ٹی مال ای کامرس پلیٹ فارم  کے بیرون ملک "مفت شپنگ ایریا" میں شامل ہوئے ہیں ، اور ان ممالک کے صارفین مفت شپنگ خدمات سے لطف اندوز ہوسکتے ہیں جب وہ ایک خاص رقم کے  آرڈر دیتے ہیں۔ "جے ڈی گلوبل سیلز " نے ملائیشیا اور تھائی لینڈ میں دو مفت شپنگ سائٹس شامل کی ہیں۔ اس "ڈبل 11" مدت کے دوران ، چینی ای کامرس کے نئے غیر ملکی صارفین  کی تعداد میں واضح  اضافہ  ہوا ہے، جس سے لین دین کے حجم میں بھی  نمایاں اضافہ ہوا ہے۔ یہ دیکھا جا سکتا ہے کہ عالمی آپریشن، لاجسٹکس اور ڈسٹری بیوشن سسٹم، اور ادائیگی کے حل کے لحاظ سے چین کی ای کامرس کی صلاحیتوں میں نمایاں بہتری آئی ہے.

غیر ملکی مارکیٹوں میں "میڈ ان چائنا " کی مقبولیت بڑی حد تک چینی  مصنوعات کی اعلی کارکردگی اور کم  قیمت کی وجہ سے ہے ۔ سرحد پار ای کامرس پلیٹ فارم ایک پل کی طرح ہے ، جو ایک سرے پر چین کی گھریلو صنعتی  چین کے سپلائی سائیڈ اور دوسرے سرے پر غیر ملکی صارفین کو جوڑتا ہے، تاکہ سپلائی سائیڈ اور صارفین کے درمیان تیزی سے ایک مضبوط تعلق قائم کیا جائے ۔ "چین کی ایکسپورٹ کراس بارڈر ای کامرس کے ترقیاتی رجحان پر 2024 وائٹ پیپر" کے مطابق ، غیر ملکی ریٹیل ای کامرس مارکیٹ کا پیمانہ 2024 میں 3 ٹریلین امریکی ڈالر تک پہنچنے کی توقع ہے۔ گزشتہ سال فرانسیسی مارکیٹ ریسرچ فرم رپورٹ لنکر کی جانب سے جاری کردہ رپورٹ "گلوبل کراس بارڈر  بی ٹو سی ای کامرس مارکیٹ" کے مطابق سرحد پار سورسنگ کے لیے چین دنیا کی   پسندیدہ منزل ہے۔

درحقیقت دنیا میں کہیں بھی ، کھپت کی اعلی یا کم سطح سے قطع نظر ، اعلی معیار اور کم قیمت  کی مصنوعات ہمیشہ ہی صارفین کے لیے پرکشش رہی ہیں ۔  بہتر کارکردگی اور معیار   کے ساتھ  کم   قیمت  پر مبنی    " مید ان چائنا " کی مصنوعات کے سامنے، صارفین کے جوش و خروش کو روکنا تقریباً ناممکن ہے.

جب ٹیمو پہلی بار امریکہ میں مقبول ہوئی  تو سی این این کی  ایک تبصرہ نگار نے کہا کہ وہ کچھ عرصہ   چین میں قیام پزیر  رہی ہیں اور ٹیمو کی پیرنٹ کمپنی ، پنڈوڈو کو جانتی ہیں ، جو ایک چینی ای کامرس پلیٹ فارم ہے جو کم قیمتوں پر سامان کی  فروخت  کے لئے جانا جاتا ہے۔ تبصرہ نگار نے واضح طور پر کہا: "امریکی صارفین زیادہ سمجھدار ہیں، مارکیٹ زیادہ پختہ ہے، اور وہ ٹیمو کے چھوٹے  چھوٹے ڈسکاونٹس سے متاثر نہیں ہوں گے." تاہم ، صرف 3 ماہ کے بعد  ہی  سب کو پتہ چل گیا  کہ تبصرہ نگار غلط تھی ، اور امریکی لوگ  ٹیمو کو  بہت پسند کرنے لگے۔

ستمبر 2022 میں ، ٹیمو کو شمالی امریکہ میں لانچ کیا گیا تھا ، اور صرف نصف ماہ میں ، یہ امریکی گوگل پلے شاپنگ سافٹ ویئر ڈاؤن لوڈ کی فہرست میں ٹاپ پر  تھا ۔اس کے بعد  سال بھر ، ٹیمو  امریکہ  میں ایپل ایپ اسٹور اور گوگل پلے میں ڈاؤن لوڈ چارٹ میں سرفہرست     رہا ۔

چین کی سرحد پار ای کامرس دنیا کے مختلف  حصوں میں  اعلی معیار اور  مناسب قیمت   کی حامل  مصنوعات برآمد  کرتی ہے، تاکہ دنیا بھر کے صارفین اس کے ذریعے پیدا کیے گئے فوائد اور سہولیات سے لطف اندوز ہوسکیں. عالمی صارفین کی جانب سے چینی مصنوعات کی قبولیت میں بہتری اور عالمی مارکیٹ میں چین کے سرحد پار ای کامرس پلیٹ فارمز کے اثر و رسوخ میں توسیع کے ساتھ ، یہ خیال کیا جاتا ہے کہ مستقبل قریب میں میڈ ان چائنا  پروڈکٹس دنیا بھر کے مزید صارفین کی حمایت حاصل کریں گی۔