14 نومبر کو ، چین اور پیرو نے دونوں حکومتوں کے مابین آزاد تجارتی معاہدے کی اپ گریڈشن کے  پروٹوکول  پر دستخط کر دیے۔یاد رہے کہ  چین اور پیرو نے اپریل 2009 میں  آزاد تجارتی معاہدے پر دستخط کیے تھے اور  نومبر 2018 میں چین ۔ پیرو آزاد تجارتی معاہدے کی اپ گریڈشن پر مذاکرات کا آغاز ہوا جو  جون 2024 میں مکمل ہوئے۔  آزاد تجارتی معاہدے کی اپ گریڈشن کے پروٹوکول پر دستخط چین اور پیرو کے درمیان دو طرفہ  سرمایہ کاری کے مزید تحفظ اور فروغ کے لئے سازگار ہے ، جس سے دونوں ممالک کے کاروباری اداروں اور عوام کو مزید ٹھوس فوائد حاصل ہوں گے۔