چین کی ریاستی کونسل کے تحت کمیشن برائے امور محصولات نے گیارہ تاریخ کو ان امریکی مصنوعات کی پہلی فہرست کو جاری کی ہے جنہیں اضافی محصولات عائد کیے جانے سے خارج کیا جا سکتا ہے۔ان امریکی مصنوعات پر اضافی محصولات کو خارج کی جانے والی پالیسی سترہ ستمبر سے نافذالعمل ہوگی۔ امریکہ کی جانب سے چھیڑی جانے والی تجارتی کشمکش کے بعد چین نے پہلی بار ایسی فہرست جاری کی ہے جس کا مقصد چین میں کاروباری اداروں پر مرتب ہونے والے اثرات کو کم کرنا ہے۔سی آر آئی نے اس حوالے سے ایک تبصرہ شائع کیا ہے جس میں یہ خیال ظاہر کیا گیا کہ مذکورہ اقدام تجارتی کشمکش سے نمٹنے کے دوران چین کے دانشمندانہ اور ذمہ دارانہ رویے کا عکاس ہے۔

چین تجارتی جنگ کی کشیدگی کی بھرپور مخالفت کرتا ہے تاہم امریکی بالادستی پر جوابی کارروائی اختیار کرنا بھی لازمی ہے۔اس کے ساتھ ساتھ چین اپنے ملک میں صنعتی و کاروباری اداروں پر منفی اثرات کو کم سے کم کرنے کی بھرپور کوشش بھی کرے گا۔اگلے مرحلے میں چین کے متعلقہ ادارے مناسب موقع پر اضافی محصولات سے خارج ہونے والی امریکی مصنوعات کی فہرست جاری کریں گے ۔